HANV JEM UCHARTA, ULOITAM, JEZUCHEA NANVAN, TENCH MHAKA FAVO ZATA.
Hanv shoktivont asa
Hanv bore bolaiken asa
Hanv axirvadan bhorla
Hanv bolixtt asa
Hanv Devache kurpen makhlolo asa.
Mhaka sutka favo zalea.
Hanv Devache apurbaeicho
Devacho ani monxancho favor (upkar) mhojevoir asa.
Jem kitem hanv polleunk sodta, vo mhaka zalle zai, tench Hanv uloita, ucharta.
Hanv ek bhou moladik bim.
Hanv mhojea Devachea ghorant, pikall zomnir roilolo asa.
Hanv kalla kallar utom bhorpur foll ditam.
Hanv rosroxit ani hirvea pannani bhorlolo asa.
Zanttea piraier pasun, hanv jivall ani tezvont asa.
Hanv bavun vochona ani Jezuchea nanvan jem kitem hanv korta, tem folladik zata.
Jezuchea nanvan sogllench mhojea borea khatir ghoddun ieta.
Soglle atmik axirvad, Jezuchea nanvan mhaka melltat.
Hanv ek Atmo
Mhojea atmeak ek mon (mind) asa.
Mhojo atmo ani mhojem mon, mhojea kuddint jieta.
Mhojo atmo mhojea monak hukum dita.
Mhojem mon, te hukum aikata, manun gheta ani mhojea kuddik kitem ani koxe korche tem sangta, ani mhoji kudd, mhojea monache sangnnem palltta.
JEZUCHEA NANVAN, HANV MHOJEA KUDDIK SANGTA
Devachem ovinaxi jivit, mhoje bhitor bosti korta ani mhojea jivitant disun ieta.
Dor eka mhojea kuddichea bhagak hanv Devachem jivit uloitam.
Hanv mhojea monak sangta, Jezuchea mona sarkem xudh, nitoll za ani Devachea utram pormonem, chitnam nittaier ghal.
Hanv mhojea xirank ani nosank, muscleank, Devachi xokti ani ghortai asa mhun ucharta.
Mhojem kalliz bore ghottaien cholta.
Mhojem lungs (pulmao) bore toren swas ghetat ani vayu ghetat tem samballtat.
Mhojem kidney, liver ani pancreas sarke chukoinastana aplo vavr kortat.
Mhojea rogtachea dor eka thembean Devachem jivit asa.
Mhojim hadam, mhoje sandhe, joint, Devachea utram pormonem vavour kortat ani te mozbut ani theer ghott asat.
Mhoji botta, aplo vavr bhes boro kortat.
Mhojea dolleamni mhaka nivoll, spasht distti poddta.
Mhojea kanani mhaka borem, xudh aikunk ieta.
Mhoji kat sulsulit, rosroxit, lhan bhurgea sarki ani Devachea sundoraien bhorlea.
Mhoje roller khup kens asat ani hanv mhojea kesank hukum ghalta aplea zagear ghott urunk ani jea toklechea bhagak komi kens asat thoi hanv Jezuchea nanvan kens ievpak ani vaddpak hukum ghalta.
Mhojem dant, datanchi haddam (jaws), gums, ghott ani nirogi asat, rogtacheo xiro ani rogot kuddint bore toren dhanvta.
Rogtantle soglle cells ani hormones, sarkea pramanan asat ani aple kam sarke kortat.
Mhojem jirvonneche sandhe, jevonn jirovpache ani jevnnachi ghottai kuddik divpache kam bhes borem kortat, toxench soggllo pottantlo mhell bore bhaxen mhoji kudd disa dipotti bhair uddoita.
Bhurgeak zolmak haddpachi indriya aplo vavr sarko kortat.
Bhurge zolmak haddpacho kusvo, bore bhaxen bhurgeak samballta ani surokshit ponnan delivery zata.
Dor ek mhoje kuddicho sandho, bore toren aplo vavr korta, jem bhaxen, mhojea Devan taka boro vavr korunk rochla ani soglle toreche rog, duens, pidda, mhoje kuddint hanv Jezuchea nanvan nakarta ani xirapta.
Halleluia, Amen.
Dev Bap mhozo mog korta. Hanv Zanno, Hanv Zanno.
Dev Put, Jezu Krist, mhozo mog korta. Hanv zanno. Hanv zanno.
Dev Povitr Atmo, mhozo mog korta. Hanv zanno. Hanv zanno.
Shalom
