ಸರ್ವೆಸ್ಪರ್ ದೆವಾಚಿ ಭುರ್ಗಿ ತುಮಿ ಜಾವ್ನಾಸ್ತಾ , ತುಮಿ ತಾಚಾ ಬರ್ಯಾಪಣಾಚಿ ಬಳ್ವಂತ್ ಉಮಾಳೊ ತುಮಿ ಸ್ವೀಕಾರ್ ಕರ್ತಾತ್ ಮ್ಹುಳ್ಯಾರ್ ತುಮಿ ಆಶ್ಚರ್ಯ ಜಾಯ್ಜೆ ಮ್ಹುಣ್ ನಾ..
ಪವಿತ್ರ್ ಬರ್‍ಪಾಂನ್ ಸಾoಗ್ಲಾ ಕಿ ತುಮ್ಕಾ ಏಕ್ ಬಸಾವ್ನಿ ಆಸಾ , ಏಕ್ ಆಶೀರ್ವದಿತ್ ಆಶ್ವಾಸನ್ ಆನಿ ಏಕ್ ಖಾತ್ರಿ..!
ಹರ್ಸಿಲ್ಲೋ ಜಾoವ್ ದೇವ್ , ಆಮ್ಚ್ಯಾ ಸೊಮಿಯಾ ಜೆಜು ಕ್ರಿಸ್ತಾಚೊ ಬಾಪ್ . ಕ್ರಿಸ್ತಾ ಸವೆಂ ಆಮ್ಕಾ ಆಸಾ ತ್ಯಾ ಎಕ್ವಟಾoತ್ ಸರ್ಗಿoಚಿ ಸರ್ವ್ ಅತ್ಮೀಕ್ ದೆಣಿಂ ಆಮ್ಚೆ ವೈರ್ ವೊತುನ್ ತಾನೇ ಆಮ್ಕಾo ಆಶಿರ್ವಾದಾನಿ ಭರ್ಲ್ಯಾತ್.
ಸರ್ವೆಸ್ಪರ್ ಮ್ಹಜೊ ಗೊವ್ಳಿ ,ಕಾಂಯ್ಚ್ ಮ್ಹಾಕಾ ಉಣೆಂ ನಾ…
ಪಾಚ್ವ್ಯಾ ಚರವಾಚ್ಯಾ ಮಯ್ದನಾಂಚೆರ್ ವಿಶೆವ್ ಘೆಂವ್ಕ್ ತೊ ಮ್ಹಾಕಾ ದಿತಾ;ಶಾಂತ್ ಉದ್ಕಾ ಲಾಗಿಂ ತೊ ಮ್ಹಾಕಾ ವ್ಹರ್ತ…
ಮ್ಹಾಜ್ಯಾ ಅತ್ಮ್ಯಾಕ್ (ಮ್ಹಾಕಾಚ್) ನವೊ ಜೀವ್ ದಿತಾ; ಆಪ್ಲ್ಯಾ ನಾಂವಾ ಖಾತಿರ್ ತೊ ಮ್ಹಾಕಾ ನಿತಿಚೆ ವಾಟೆನ್ ಚಲಯ್ತಾ [ಪ್ರಾಮಾಣಿಕ್ಪಣ್ ಆನಿ ತಾಚೆ ಥೈ ನಿತಿನ್ ರಾವ್ಚೆ – ಹಾವೇ ತೇ ಜೋಡಲ್ಲೇ ನ್ಹಯ್ ].
ಕಾಲ್ಕ್ಯಾ ಫಾಲ್ಕ್ಯಾಂತ್ ಹಾಂವ್ ಚಲನ್ ತರೀ, ಕಸಲೆಂಚ್ ವಾಯ್ಟ್ ಹಾಂವ್ ಭಿಯೆನಾ,
ಕಿತ್ಯಾಕ್ ತುಂ ಮ್ಹಜೆ ಸವೆಂ ಆಸಾಯ್,ತುಜೊ ದಾಂಡೊ ಆನಿ ತುಜೆಂ ಬೇತ್ ಮ್ಹಾಕಾ ಧಯ್ರ್ ದಿತಾತ್. ಮ್ಹಾಜ್ಯಾ ದುಸ್ಮಾನಾಂಚ್ಯಾ ದೊಳ್ಯಾಂ ಮುಕಾರ್ ಮ್ಹಾಕಾ ಏಕ್ ಮೇಜ್ ತುಂ ಮಾಂಡ್ತಾಯ್ ,ಮ್ಹಜೆಂ ಮಾತೆಂ ತೆಲಾನ್ ಮಾಖ್ತಾಯ್ ,ಮ್ಹಜೆಂ ಪಾತ್ರ್ ಭರೊನ್ ವತ್ತಾ. ಸಗ್ಳ್ಯಾ ಮ್ಹಜ್ಯಾ ಜಿವಿತಾಂತ್ ದಯಾ ಆನಿ ಮೋಗ್ ಮ್ಹಾಕಾ ಖರೆಂಚ್ ಸಾಂಗಾತ್ ದಿತಲಿಂ,ಸರ್ವೆಸ್ಪರಾಚ್ಯಾ ಘರಾಂತ್ ಹಾಂವ್ ಸದಾಂಕಾಲ್ ರಾವ್ತಲೊಂ…
“ಆಪ್ಲೆ ಸ್ವoತ್ ಮಹಿಮೆತ್ ಆನಿ ಸುಖಾತ್ ಭಾಗಿದಾರ್ ಜಾವ್ಣ್ಕ್ ಆಮ್ಕಾ ಆಪೊವ್ನೆ ದಿಲ್ಲ್ಯಾ ದೆವಾನ್ ಆಪ್ಣಾಚಿ ಒಳೊಕ್ ಆಮ್ಕಾ ದೀವ್ನ್ ಆಮ್ಚೆ ಜಿಣಿಯೆಕ್ ಆನಿ ಖರೆ ಭಕ್ತಿಕ್ ಗರ್ಜ್ ಆಸ್ಲಲೆ ಸಗ್ಲೆ ದಿಲಾ…(3ಪೆದ್ರು 1:3)