ಅಡ್ಚಣೆ ಮದೆಂ ಅಮಿ ದೆವಾಚೆ ನಿರೀಕ್ಷಣ್ ಕರ್ತಾನಾ , ದೇವ್ ಎಕಚ್ಚಾಣೆಂ ಉತ್ರೊವ್ಣಿ ಕರ್ತಾ..!
ತುಮಿ ಕಶೆo ರಾಕ್ತಾವ್ ತುಮಿ ಕಿತ್ಲೊ ವೇಳ್ ರಾಕ್ತಾವ್ ಮ್ಹುಳ್ಳೆ ನಿರ್ಧಾರ್ ಕರ್ತಾ – ದೆವಾಚೆರ್ ಭಾವಾರ್ಥ್ ಹ್ಯಾ ಮಿಶ್ರಣಾತ್ ಆಸ್ಚೊ ನಿಮಾಣೊ ಅಂಶ್ ಜಾವ್ನಾಸಾ ಹೇ ಆಮ್ಕಾ ವರ್ತೆಪಣಾಕ್ ಮ್ಹುಕಾರ್ ವರ್ತಾ..
ಸರ್ವೆಸ್ಪರ್ ಮ್ಹುಕಾರ್ ಶಾoತ್ ರಾವ್ ಆನಿ ತಾಚೆರ್ ಭರ್ವಸೊ ದವರ್,
ಕೋಣ್ ಎಕ್ಲೊ ಆಪ್ಲೆ ವಾಟೆನ್ ಸುಖ್ ಸಂಪತ್ತಿ ಜೊಡ್ತಾ ಮ್ಹುಣ್ , ಆಪ್ಲ್ಯಾ ವಾಯ್ಟ್ ಯೆವ್ಜನಾoನಿ ತೊ ಮನಿಸ್ ಸುಫಳ್ ಜಾತಾ ಮ್ಹುಣ್ ತುo ಉಚಾಂಬಳ್ ಜಾಯ್ನಾಕಾ.
ತುಜೊ ರಾಗ್ ಸಾಂಡ್ , ಕ್ರೋದ್ ಪಯ್ಸ್ ಕರ್.
ಉಚಾಂಬಳ್ ಜಾಯ್ನಾಕಾ ;
ಜಾಶೀ ತರ್ ಫಕತ್ ವಾಯ್ಟ್ ಕರುಂಕ್ ಪಾವ್ತಾಲೊಯ್.
ಕಿತ್ಯಾಕ್ ಖೊಟ್ಯಾ ಮನ್ಶಚೊ ನಾಸ್ ಜಾತಲೊ , ಪೂಣ್
ಸರ್ವೆಸ್ಪರಾಚೆರ್ ಭರ್ವಸೊ ದವರ್ತಾತ್ ತೇ ದೇಶಾಚೆ
ವಾರಿಸ್ದರ್ ಜಾತಾಲೆ.
ಅತ್ರೇಗಾನ್ ಹಾoವೇ ಸರ್ವೆಸ್ಪರಾಚಿ ವಾಟ್ ಪಳೆಲಿ,
ತೊ ಮ್ಹುಜೆಶಿ ಬಾಗ್ವಾಲೋ ಆನಿ ಮ್ಹುಜಾ ಉಲ್ಯಾಕ್ ತಾಣೆo ಕಾನ್ ದಿಲೊ.
ನಾಸಾಚ್ಯಾ ಪೋಡಾoತ್ಲೊ ತಾಣೆo ಮ್ಹಾಕಾ ಭಾಯ್ರ್ ಕಾಡ್ಲೊ ,
ಚಿಕ್ಳಾಚ್ಯಾ ಕೊಡಾoತ್ಲೊ ತಾಣೆo ಮ್ಹಾಕಾ ಭಾಯ್ರ್ ಕಾಡ್ಲೊ ;
ಖಡ್ಪಾರ್ ತಾಣೆo ಮ್ಹುಜೆ ಪಾಯ್ ದವರ್ಲೆ ,
ಮ್ಹುಜಿ ಪಾವ್ಲಾ ತಾಣೆo ಥಿರ್ ಕೆಲಿಂ.
ಏಕ್ ನವೆಂ ಗೀತ್ ತಾಣೆo ಮ್ಹುಜಾ ತೋಡಾoತ್ ಘಾಲೇ ,
ಆಮ್ಚ್ಯಾ ದೆವಾಕ್ ಏಕ್ ಸ್ತುತಿಗೀತ್ .
ಜಾಯ್ತೋ ಲೋಕ್ ಹೇ ದೆಕ್ತಾಲೊ ಆನಿ ಭಿಯೆತಲೊ,
ಸರ್ವೆಸ್ಪರಾಚೆರ್ ವಿಶ್ವಾಸ್ ದವರ್ತಲೊ.
ಜೋ ಮನಿಸ್ ಸರ್ವೆಸ್ಪರಾಚೆರ್ ವಿಶ್ವಾಸ್ ದವರ್ತ,
ಗರ್ವಿಶ್ಟ್ ಮನ್ಶ್ಯಾಚ್ಯಾ ಪಕ್ಷಾಕ್ ಮೆಳಾನಾ ,
ಫೋಟ್ಕಿರ್ಯಾ ದೇವಾ ಪಾಟ್ಲ್ಯಾನ್ ವೆತಲ್ಯಾಚೊ
ಸಾoಗಾತ್ ಕರೀನಾ , ತೊ ಖರೆoಚ್ ಸುಭಾಗಿ !
” ಪೂಣ್ ಸರ್ವೆಸ್ಪರ್ ತುಮ್ಕಾo ದಯಾ ದಾಕೊವ್ಣ್ಕ್ ವಾಟ್ ಪಳೆವ್ನ್ ಆಸಾ , ತುಮ್ಚಿ ಕಾಕುಳ್ತ್ ಕರುಂಕ್ ತೊ ಉಟ್ತಾ ;
ಕಿತ್ಯಾಕ್ ಸರ್ವೆಸ್ಪರ್ ನ್ಯಾಯ್ ನಿತಿಚೊ ದೇವ್ , ತಾಚೆರ್ ಭರ್ವಸೊ ದವರ್ತಾತ್ ತಿ ಸುಭಾಗಿ ( ಇಸಾ :30:18)