Ek suvat ji sodanch visvaxi tikan jem urbem vixim bodhol ani vadai hadunk xokta tem zavun asa Devache Utor..!
Povitr Pustokant boreponachem zaitem sangpachem asa jem bodola ani dorek pavlant tujem sovem Devachem hajirpon…
Te goddie kottin zait punn tuje lagim Deva asa zo tuzo mog korta ani tuka sodanch kitem bore tench taka zai…!!
Tachea utracher nodor mar, ani toh tuka koxi vatt dakhoita te tuka mevtellem..
Zannem doriantlean vatt korun dili,
bhirankull udkantlean
marôg ugddun dilo,
To Sorvespor oso uloita:
Tannem roth, ghodde
ani bollvont soinikanchi fouz
zhuzak bhair kaddlim,
punn he soglle
anink utthona toxe poddle,
tancho nas zalo,
doxirê bhaxen palvon gele.
Adlea ghodditancho
anink ugddas korum nakat,
purvilea kallacheô ghòddniô
monant haddum nakat.
Polleiat, ek novem kortutv
Hanv korunk vetam:
tem ghoddon ieta,
disona tumkam?
Hôi, oronneant Hanv
êk rosto kortam,
poddong zomnintlean
nodi vhanvo-xi kortam.
Hanvem venchun kaddlolê
Mhojê porjek
oronneant Hanv
udok pieunk ditolom mhonnun
ani poddong zomnintlean
nodi vhanvo-xi kortolom dekhun,
Mhaka man-mhoima ditolim
savzam, kole ani xamrig.
Mhojêch khatir
Hanvem rochun haddlea ti porza
Mhoji vakhann’nni gazoit astoli.
Dev hea jivitachea bovdent tujem borobor cholta – Tachem hazirponn sodanch tujea sagatak asa, tuka vatt dakoita…
“Mhonnttôch, konn-ui Kristachea ekvottant asat tôr, tim êk novi rochnna; pornnem tem gelem, atam sogllench novem!…”(2 Korintkarank 5:17)