Dev amkam patkat udoina punn amkam porikxetlian vochpak dita. Porikxa amkam modpak vo halovpak kathir asonat punn purai vadd ani dhir divun dusria pavdiar vorta…
Ek xikpi parikxa pass kelia bogor dusria kakxant vochpak zaiana noi mhoon talimbazant davonastana mukut jikunk zaina…
Mhojea bhavam-bhoinnimnò, tumcher
jinnosvar koxtt-dogd ietat tedna,
tankam lagun ekdom’ khuxal zaunk
tumkam borem karonn asa.
Kiteak mhollear, oslê bhavarthachê porikxent Jezucher tumcho bhavarth halona
zait zalear, bhavartha pasot koslê-i pidda-
piddê modem tumi odik thir astoleat…
Jem sogllem adim boroun dovorlam, tem amcho bhorvanso up-zounk boroilam, kiteak Povitr Pustokar boroilolem asa tem amkam thir ravunk xikoita ani dhir dita…
Hem tachem takotint asa ki tu sospak xokta ani borvonso dorpak xokta. Hem To zaun asa Jo tuka mukar vortolo…
“Sodam togona tem bhangar porian ujeant ghalun topastat; toxench hal-upodreamnim tumchea bhavarthachi topasnni zata. Ani jedna Jezu Krist dixtti poddtolo, tedna tumkam melltoli vakhann’nni; mhoima ani bhovman….”(1 Pedru 1:7)