ಸಭಾರ್ ಜಣ್ ದೇವಾಲಾಗಿಂ ಉಲೈತಾತ್ ಪುಣ್ ದೇವಾ ಥಾವ್ನ್ ಕಿತೆಂಚ್ ಆಯ್ಕಾನಾತ್..!
ಕಿತ್ಯಾಕ್ ತಾಂಕಾ ಮಾಗ್ನೆo ಮ್ಹುಳ್ಯಾರ್ ಏಕಮುಖಿ ಉಲೊವ್ಪ್ ಆನಿ ಹಾಚೆ ಥಾವ್ನ್ ಆಮ್ಕಾ ಏಕ್ ಸಂಬಂಧ್ ಸಾಂಬಾಳ್ನ್ ವ್ಹರುಂಕ್ ಜಾಯ್ನಾ.
ಉಗ್ಡಾಸ್ ದವರಾ ದೇವ್ ಆಮ್ಚೆ ಥೈ ಏಕ್ ಸಂಬಂಧ್ ಸೊದ್ತಾ ದೆಕುನ್ ತುಮ್ಕಾಚ್ ದೆವಾಕ್ ಒಪ್ಸುನ್ ದಿವ್ಚಿ ರೀತ್ ಬದ್ಲಿಯಾ.
ತುಮ್ಚ್ಯಾ ಮಾಗ್ಣ್ಯಾ ವೆಳಾರ್ ದೇವಾ ಸಾoಗಾತಾ ಶಾಂತ್ ವೇಳ್ ಖರ್ಚಿಯಾ ತಷೆo ತುಮಿ ದೆವಾಕ್ ಆಯ್ಕೊಂಕ್ ಸಕ್ತೆಲ್ಯಾತ್..
ದೇವ್ ಆಮ್ಚೆಲಾಗಿo ಉಲೈತಾ ಮ್ಹುಣ್ ಆಮ್ಕಾo ಕಶೆo ಕಳ್ತಾ?
೧. ದೇವ್ ಆಮ್ಚೆ ಲಾಗಿo ಪವಿತ್ರ್ ಅತ್ಮ್ಯಾ ಮ್ಹುಕಾಂತ್ರ್ ಪ್ರೇರಣ್ ದಿoವ್ಚ್ಯಾ ಚಿoತ್ನಾನಿ ಶಾಂತ್ ರಿತಿನ್ ಉಲೈತಾ ಆನಿ ತೇ ಆಮಿ ಪಾರ್ಕುನ್ಕ್ ಸಕ್ತಾoವ್.
೨. ಪವಿತ್ರ್ ಆತ್ಮೋ ಆನಂದ್ ಆನಿ ಶಾಂತೆಚೆ ಭೊಗ್ಣಾಂ ಹಾಡ್ತಾ ; ಆಮ್ಕಾ ದಾಬಾವ್, ಆಕಾಂತ್ ಆನಿ ಖoತ್ ಭೋಗನಾ..
೩. ದೆವಾಚೊ ತಾಳೊ ಅಮಿ ಸಮ್ಜಾತಾoವ್.
೪. ದೇವ್ ತಾಚಾ ಉತ್ರಾo ಮಾರಿಫಾತ್ ಆನಿ ತಾಚಾ ಪುತಾ ಜೆಜು ಕ್ರಿಸ್ತಾ ಮ್ಹುಕಾಂತ್ರ್ ಆಮ್ಚೆo ಲಾಗಿo ಉಲೈತಾ..

ಅಮಿ ಕಿತ್ಲೆ ಸಮ್ಜಾತಾವ್ ಮ್ಹುಳ್ಳಿ ಪರ್ವ ನಾ ದೇವ್ ಮಾಗ್ಣ್ಯಾ ದ್ವಾರಿ ಆನಿ ಪವಿತ್ರ್ ಅತ್ಮ್ಯಾ ದ್ವಾರಿ ಆಮ್ಚೆ ಲಾಗಿo ಸಂಪರ್ಕ್ ಕರುಂಕ್ ಆಶೆತಾ. ಅಮಿ ಚಿoತ್ನಕ್ , ಭೋಗ್ಣಾಕ್ ವಾ ಇತರ್ ವಿಧಾನಾಕ್ ಉತ್ತಮ್ ರಿತಿನ್ ಪ್ರತಿಕ್ರಿಯಾ ದಿಲ್ಯಾರ್ ತಿ ಜಾವ್ನಾಸಾ ದೆವಾನ್ ಆಮ್ಚೆ ಲಾಗಿo ಸಂಪರ್ಕ್ ಕರ್ಚಿ ರೀತ್..
ದೇವ್ ಉಲೈತಾನಾ ಆಮಿ ತೇ ಕಾಲ್ಜಾತ್ ಆನಿ ಮನಾತ್ ಪಾರ್ಕಿತಾವ್, ತೊ ಶಾಂತ್ ರಿತಿನ್ ಉಲೈತಾ ಉದ್ವೇಗಾನ್ ಉಲೈನಾ..
“ಪೂಣ್ ಥೈ ತುಮಿ ತುಮ್ಚ್ಯಾ ದೆವಾಕ್ ಸೊದ್ತಾಲ್ಯಾತ್ , ಆನಿ ಸಗ್ಲ್ಯಾ ತುಮ್ಚ್ಯಾ ಕಾಲ್ಜಾನ್ ಆನಿ ಸಗ್ಲ್ಯಾ ತುಮ್ಚ್ಯಾ ಅತ್ಮ್ಯಾತ್ ತುಮಿ ತಾಕಾ ಸೊದ್ಷ್ಯಾತ್ ಜಾಲ್ಯಾರ್ ತೊ ತುಮ್ಕಾ ಮೆಳ್ತಾಲೊ…”( ದ್ವಿತಿ: 4:29)