ದೇವ್ ಕುರ್ಪೆವಂತ್ ಜಾಲ್ಲ್ಯಾನ್ , ತೊ ಕಿತೆಂ ಕರ್ತಾ ತಿ ಕುರ್ಪಾ ಜಾವ್ನಾಸಾ…!
ಕುರ್ಪಾ ಮ್ಹುಳ್ಯಾರ್ ಅಮಿ ಫಾವೊ ನಾತ್ಲ್ಯಾರೀ ; ಮ್ಹುಜೆ ಆನಿ ತುಜೆ ಖಾತಿರ್ ದೆವಾಚಿ ಸಕತ್ , ಸಮರ್ಥಿ , ಅಧಿಕಾರ್ ಉಪಯೋಗ್ ಕರ್ಚಿ ದೆವಾಚಿ ಖುಷಿ ವಾ ಇಚ್ಛಾ..
ಆಮ್ಚೆ ಥೈ ದೆವಾಚಾ ಹರ್ಯೆಕ್ ಕಾರ್ಯಾತ್ ಕುರ್ಪಾ ಆಟಾಪುನ್ ಆಸಾ..
ತಾಚಿ ಕುರ್ಪಾ ಸಮ್ಜoಕ್ ಆಮ್ಕಾo ದೆವಾಚಿ ಜಾಣ್ವಾಯ್ ಆಸಾಜೆ..
ದೆವಾಚಾ ಆನಿ ಜೆಜು ಸೊಮಿಯಾಚಾ ಜಾಣ್ವಾಯೆ ವರ್ವಿ ಕುರ್ಪಾ ಆನಿ ಶಾಂತಿ ತುಮ್ಚೆ ಥೈ ಚಡ್ ಜಾತಾ..
ತಾಚಿ ಸ್ರಷ್ಟಿ , ತಾಚಿ ದೂರ್‌ದಿಷ್ಟ್, ಪಾತ್ಕ್ಯಾ ಥೈ ತಾಚಿ ದೃಢ್ ಪಾತ್ಯೆಣಿ, ತಾರಣಾಚೆ ತಾಚೆ ದೆಣೆಂ, ತಾಚಿ ಸತಾಂಕ್ ಸುಸಜ್ಜಿತ್ ಕರ್ಚಿ ರೀತ್ , ಆನಿ ತಾನೇ ಆಮ್ಚೆ ಖಾತಿರ್ ತಯಾರ್ ಕೆಲ್ಲೆ ಭವಿಷ್ಯ್ ಹೇ ಸರ್ವ್ ದೆವಾಚಿ ಕುರ್ಪಾ ಜಾವ್ನಾಸಾ.
ತರ್ ಆಮಿ ದಯಾಳ್ ದೆವಾಚಾ ಸಿಂಹಾಸನಾ ಲಾಗಿ ಧೈರಾನ್ ಯೆವ್ಯಾ. ಥೈ ಆಮ್ಕಾo ದಯಾ ಮೆಳ್ತಲಿ, ಆನಿ ಆಮ್ಕಾ ಕುರ್ಪಾ ಮೆಳ್ತಲಿ ಜೆ ಅಧಿಕ್ ಗರ್ಜ್ ಆಸಾ..
“ಸರ್ವೆಸ್ಪರಾಚೊ ವಿಶ್ವಾಸಿ ಮೋಗ್ ಕೆದಿಂಚ್ ಸೊಂಪನಾ, ತಾಚೆ ಕಾಕುಳ್ತಿಕ್ ಕೆದಿಂಚ್ ಅಂತ್ ನಾ ;ಹರ್ ಸಕಾಳಿo ತಿo ನವಿಂ , ಖರೆoಚ್ ವರ್ತೆ ತುಜೆ ವಿಶ್ವಾಸಿಪನ್…..”(ವಿಳಾಪ್: 3:22-23)