Dor eka disa, sogllea sombhondant ami bhim vompthanv..!
Ami tor xanti korpi zavunk zai zalear, ami Devache xannepononacher laksh divpank zai, ani Devache xannepon Devachea utrantlean amkam mellta hakanch lagun Devache utor xikop mullear upyogi hathear amche xanneponanchi vadai zavpak..
Tôr hanv vichartam: mon’xa, dusreancher tum nitichem formonn martai? Konn-ui zaxi tum, oxem korunk tuka hôk’kuch na. Karonn dusrim mon’xam kortat tinch kortubam tum-i kortai; mhonnttôch, team dusreanchi tum zhôddti kortai tednam, tum tujeruch tujea guneanvachem khastichem formonn martai….
Tumi Devan vinchun kaddlolim, povitr kel’lim ani Tachê opurbaiechim: dekhun tumi doiall-movall kallzachim, bholim, khaltim, dulob ani vhôdd sõsnnikaiechim mon’xam zaiat…Dusreacher garannem korunk nimit asleep, tumi ekamekak sõsunk zai ani bhôgsunk zai. Somian tumkam bhôgxileant, toxench tumi-i ekamekak bhôgsat…
Hea sogllea sugunnancho mukutt koso, pritimôg tumchê modem vôsum-di, kiteak tachê vôrvim sogllea sugunnancho sopurnn ekvôtt zata. Êkuch Kudd ghoddun Krist dita ti xanti bhôgunk Devan tumkam apoileant; tôr hi xanti dolleam mukhar dovrun tumchem jivit choloiat ani tich zaum tumchem inam’! Ani Devak sodam dhin’vaxit ravat….
Xanti kortat tim subhagi: Dev tankam Aplim bhurgim mhonnttolo.
“Xanti-korpi mon’xam jitlim xantichim biam vômpun vetat, titlem Devak man’ta toslem jivit vaddon veta: oslea soglleam modem vaddlolea jivitachem pik tim lunvunk pavtat…”(Jakob 3:18)